Gjöf til FB

Fjölbrautaskólinn í Breiðholti fagnaði 50 ára afmæli sínu á síðasta ári og á komandi haustdögum mun skólinn taka í notkun glæsilega nýja kennsluaðstöðu fyrir nemendur í rafvirkjun.

Af þessu tilefni styrkti Johan Rönning, í samstarfi við Hager, skólann með 45 nýjum og glæsilegum töfluskápum frá Hager. Helgi Gunnar Guðlaugsson, rekstrarstjóri Johan Rönning, afhenti vörurnar fyrir hönd Johan Rönning og Hager. Fyrir hönd Fjölbrautaskólans í Breiðholti tóku við styrknum Guðrún Hrefna Guðmundsdóttir skólameistari og Sigursteinn Óskarsson, fagstjóri rafvirkjabrautar.

Það er okkar von að gjöfin nýtist nemendum skólans vel um ókomin ár og verði góð viðbót við þá tímamótakennsluaðstöðu sem opnuð verður í haust.

Skáparnir eru af Universe-gerð frá Hager og eru vel þekktir á íslenskum markaði fyrir gæði og góða hönnun. Þar fara saman þægindi, einfaldleiki og vönduð þýsk framleiðsla.